Yağlı balıq qara ciyərin dərmanıdır

Yaponiyalı alimlər 11 illik araşdırmalardan sonra belə qənaətə gəlib.Gündə bir porsiya yağ turşusu ilə zəngin olan balıq yeyən insanlar qara ciyər xərçənginə tutulma riski ilə daha az üzləşirlər. Belə bir qənaətə 11 illik araşdırmalardan sonra Yaponiyanın Milli Onkologiya institutunun alimləri gəliblər.

Belə ki, alimlər bu müşahidəni 11 il ərzində 45-74 yaş arasında olan 90 min nəfər adam arasında aparıblar. Təcrübə iştirakçıları istehlakın həcmi və mütamadiliyindən asılı olaraq 5 qrupa bölünüblər. Nəticədə müəyyən edilib ki, o qrupda ki, insanlar daha çox, məsələn gündə bir dəfə balıq yeməklərindən istifadə edirlər, həftədə bir dəfə balıq yeməkləri istifadə edənlərlə müayisədə qara ciyər xəstəliklərinə tutulma riski 3 dəfə azdır.

Alimlər hesab edirlər ki, yağ turşusu olan balıq yeməkləri həmçinin qara ciyərdə olan iltihab prosesini aradan qaldıra bilir. Amma bununla belə, alimlər qeyd edirlər ki, əldə olunan nəticələr o demək deyil ki, içində yağ turşuları olan bioloji əlavələr də onkoloji xəstəliklərin aradan qaldırmasına kömək edə bilsin.

Qaynaq: http://anspress.com/index.php?a=2&lng=az&nid=156235