Sabahımı necə görürəm

 Mən Aysel Həsrət. Hal hazırda Bakı şəhəri Milli qəhrəman Ələkbər Əliyev adına 204 saylı tam orta məktəbin 7a sinfində oxuyuram. Mən bir uşağın sahib ola biləcəyi normal bir həyat yaşayıram və bundan çox razıyam. Ancaq hər şeyi qabaqcadan düşünüb yerinə yetirdikdə daha yaxşı olur. Elə buna görə də indidən sabahımı düşünürəm. Əgər mən istəyirəmsə mənim sabahım, yəni gələcəyim işıqlı olsun, hər bir şagird kimi öz vəzifəmi yerinə yetirməliyəm. Yəni dərslərimə həmişə hazır olmalıyam. Həm də alideynlərimin sözünə baxmalıyam. Əgər mən bunlsrı yerinə yetirsəm gələcəyim parlaq olar. Doğrudan da bu belədir. Çünki hər bir savadlı insan öz ağlı və məntiqi ilə bir çox mörəkkəb məsələlərin həllini asanlıqla tapa bilər. Amma ilk öncə mən məktəbimi bacardığım qədər əla qiymətlərlə bitirməliyəm. Sonra isə instituta girib ali təhsilimi bitirməliyəm. Əgər hər şey arzuladığım kimi olsa lap yaxşı olar. Ancaq hər şey arzulamaqla bitmir. Bunların gerçəkləşməsi üçün ilk öncə çoxlu çalışmaq lazımdır. Həm də mənim fikrimcə kimisə özünə bir örnək kimi seçməlisən. Mən özümə örnək olaraq anamı seçmişəm. Çünki anam məktəbini əla qiymətlərlə bitirib. Ali təhsillidir. İndi isə sayılıb seçilən alimlər sırasındadır və arzulaya biləcəyi hər şeyə malikdir. Mən də anam kimi olamalıyam, çünki bunu çox istəyirəm. Ancaq bunun üçün hər gün çalışmalıyam. Əgər mən bunları yerinə yetirsəm gələcəkdə anam kimi bir vacib şəxs ola bilərəm. Həm də mən təkcə özümü düşünməli deyiləm. Mən öz xalqımı və vətənimi düşünməliyəm. Gərək mən vətənimə layiqli bir övlad kimi böyüyüm. Təhsil indiki dövrdə çox önəmlidir. Bizim təhsil almağımız üçün yeni-yeni kitablar çap olunur, məktəblər yikilir. Bir sözlə indi hər bir uşağın təhsil üçün hər cür imkan var. Biz bu imkanlardan yaxşı istifadə etməliyik, çünki bu bizim hələcəyimizi i.ıqlandırır.