Gündə 6 saatdan az yatanlarda 700-dən
çox genin funksiyasında dəyişiklik meydana gəlir. Araşdırmalara görə,
yuxusuzluğun insan bədəni və səhhəti üzərindəki fəsadları indiyə qədər
bilinəndən daha çoxdur. “Proceedings of the National Academy of
Sciences” jurnalında nəşr olunan araşdırmanın nəticələrinə görə bir
həftə ərzində gündə 6 saatdan az yatan insanların bədənindəki yüzlərlə
genin funksiyası dəyişikliyə məruz qalır.
“Surrey” universiteti iki qrup üzərində
araşdırma aparıb. Qruplardan biri həftə ərzində gündə ən azı 10 saat
yatıb. İkinci qrup isə 6 saatdan az yatıb. Bir həftədən sonra hər iki
qrup üzvlərindən götürülən qan nümunələri qarşılaşdırılıb. Məlum olub
ki, gündə 6 saatdan az yatanlarda 700-dən çox genin funksiyasında
dəyişiklik meydana gəlib.
Araşdırmanın rəhbəri professor Kolin
Smit bildirib ki, fərqli genlərin funksiyalarında meydana gələn
dəyişiklik vücudda maddələr mübadiləsinin də dəyişilməsinə səbəb olur.
bəzi genlərin funksiyalarının gün
ərzində təbii olaraq çoxalıb-azaldığını bildirən Kolin Smit yuxusuzluğun
genlərin təbbi ritmini pozaraq çox az və ya həddindən çox fəaliyyət
göstərməsinə səbəb olduğunu qeyd edib.
Bundan başqa professor, ürək
xəstəlikləri, diabet, piylənmə və beyin funksiyalarının pozulması ilə
əlaqələndirilən yuxusuzluğun hüceyrə yenilənməsini də dayandıraraq
immunitet sisteminə mənfi təsir göstərdiyini vurğulayıb.
Hiç yorum yok:
Yorum Gönder