Koroğlu dəlilərinin qəhrəmanlığı

  Şifahi xalq edebiyyatının ən gözəl əsərlərindən biri də "Koroğlu" dastanıdır. "Koroğlu" dastanı 18 qoldan ibarətdir. Bu dastanda Azərbaycan oğul və qızlarının cəsurluğundan danışılır.
  Dastanın baş qəhrəmanı Koroğludur. Onun əsl adı isə Rövşəndir. Koroğlu çox cəsur, igid, vətənpərvər, yaxşılığın tərəfini tutan bir igid idi. onun 7777 dəlisi var idi. O, bu dəliləri Çənlibel və başqa yerlərdən yığmışdı.
Dəli sözü bu əsərdə igid və cəsur mənasında işlənir. Koroğlunun dəliləri də özü kimi cəsur, igid və vətənpərvər idi. Koroğlu və onun dəliləri varlılara, xanlara qarşı çıxır, kasıblara, kəndlilərə isə kömək edirdi.
  Bizim igid oğullarımızla yanaşı igid qızlarımız da omuşdur. Məsələn, cəsur nigar xanım və Banuçiçək. İgid oğullarımıza, Koroğlunun dəlilərinə isə Dəli mehtər, Kosa Səfər, Çopur Mehdi, İsabala, Tüpdağıdan, Toxmaqvuran, Halaypozan, Tanrıtanımaz və Dilbilməzi göstərmək olar.
  Koroğlunun dəliləri cəsur olmaqla yanaşı çox güclü idilər. Həm də dəlilərin içərisində ağıllı, müdrik, güclü, şair, aşıq kimi igidlər var idi. Dəlilər hər bir döyüşdə qələbə çalırdılar. Dəlilər hər zaman nə olur olsun Koroğluyla birlikdə Vətən uğrunda döyüməyə hazır idilər.
  Koroğlu və onun dəliləri keçmişdə qaldı. Ancaq xalqımız bu igidləri yenə də yada salır. Buna misal olaraq Koroğlu operasını göstərmək olar. Həm də Koroğunun bir neçə yerdə heykəlləri qurulmuş, rəssamlarımız tərəfindən gözəl rəsmləri çəkilmişdir.
  Gərək xalqımızın hər bir övladı Koroğlu, nigar xanım və dəlilər kimi olsun. köməyə ehtiyacı olan hər bir insana əl uzatsın. 
                                                                               yazan: Aysel Həsrət