Məktəblərdə şahmat fəninin tədrisi ilə bağlı yeniliklər gözlənilir

Bu yeniliklər cərcivəsində orta ümumtəhsil məktəblərində, eləcə də məktəbdənkənar müəssisələrdə şahmat fənnini tədris edən müəllimlər üçün sertifikatlaşdırma proseduru tətbiq olunacaq. Bundan başqa bütün məktəblərdə şahmat fənninin tədrisi palnlaşdırılır və bu məqsədlə peşəkar təhsilli şahmatçıların tədris prosesinə cəlbi nəzərdə tutulub.
Təhsil naziri Misir Mərdanovun sözlərinə görə, təklif qəbul olunarsa orta məktəblərdə şahmat fənnini yalnız sertifikat almış müəllimlər tədris edə biləcək:

“Şahmat fənnini keçmək üçün müraciət edənlərin sayı çoxdur. Sertifikatlaşdırma həmin şəxslərin arasından ən yaxşısını seçməyə imkan verəcək”. Sumqayıt şahmat-dama məktəbinin müəllimi Arzu Həşimzadə də hesab edir k, belə bir qərar çoxdan verilməli idi: “Şahmat uşaqlarda zehni inkişafa səbəb olur. Biz məktəblərdə coxdan tədrisinə başlamalıydıq”. Sumqayıt şahmat-dama məktəbinin direktoru Elbrus Sadıqov isə ölkədə kifayət qədər idman şahmat ustalarının olduğunu və bu mütəxəsislərin şahmatın tədrisinə yönəldilməsini dogru hesab edir:

“Elə valideyinlər var ki, artıq özləri şahmata gətirirlər uşaqlarını. Kifayət qədər müəəlimlərimiz də var”. Qeyd edək ki, hazırda 75 pilot məktəbin 3-cü, 379 məktəbin isə 2-ci siniflərində şagirdlərə şahmat fənni tədris edilir. Gələn il may-iyun aylarında şahmat fənninin tədrisi ilə bağlı monitorinqlərə start veriləcək.

Qaynaq: nota.az